Chandrayaan 2 hi tukin dar 1:55 khan thla leilunga \um tura ngaih a ni a, Bangalore-a Space Center control room a\angin scientist ten an vil reng a, hetah hian Prime Minister Narendra Modi pawh a tel a ni.
Chandrayaan 2 \um tirtu tur khawl lander, Vikram tih vuah chhungah thla leilunga vak kuala thil zirchiangtu tur, rover Pragyan, kg 27-a rit leh thla leilung zirchiangtu tur khawl dah a ni a, Chandrayaan 2 hi hlawhtling taka thlaa a \um chuan Pragyan hian Vikram a\anga km chanve velah kal hrangin thlaa thil awm thlalak chu ISRO-a scientist te zirchian tur thawn thla tura duan a ni a. Thlaa tui leh minerals thla a lak bakah thlaa lirnghin dante pawh teh tura duan a ni.
Chandrayaan 2 hian August ni 20 kha thla hel kualtu orbit a thleng a, rin aia a kal tluan avangin tum aia hma-ah thla a rap thei dawna ngaih a nih laiin, thla a\anga km 2.1 vel leka hlaah biakpawh theih a ni ta lo a ni.
