Indian Railway Catering and Tourism Corporation, IRCTC enkawl thin hotel pahnih mimal company hnena hlan chhawn chungchang thubuaiah inlan turin Lalu Prasad Yadav leh a nupui leh a fapa Delhi High Court-in a ko.

Hemi chungchangah hian CBI chuan kumin April ni 16 khan thubuai a lo thehlut tawh a, hotel inhlanchhawn a nih lai, kum 2006-a IRCTC Managing Director, BK Agarwal leh Director Rakesh Saxena te bakah khatih hunlaia Union Minister, Prem Chand Gupta leh a nupui, Sarla Gupta te pawh he thilah hian an inhnamhnawih ve niin thubuai-ah hian tarlan a ni a, hotel la chhawng tu company, Sujata Hotels neitu, Vinay Kochhar leh Vijay Kochhar te hming pawh tarlan a ni bawk a ni. Delhi High Court chuan Lalu-te chhungkua hi thla thar ni 31 hian court-ah inlan turin a ti a ni.