IOCL Manager chuan Petrol Pump hawn belh tur te hi Aizawl District-ah 14, Mamit District-ah 8, Kolasib District-ah 6, Serchhip District-ah 3, Lunglei District-ah 4, Lawngtlai District-ah 4, Champhai District-ah 7 leh Siaha District-ah 1 a ni tih sawiin, dilna hi tun thla ni 12 thleng IOCL Company-ah thehluh theih a ni tih a sawi. Diltu chu India khua leh tui, pawl 10 pass a ni tur a ni a, hetiang mi tu tan pawh dil theih a ni tih an sawi.
IOCL hotute chuan, sorkar laipuia Petroleum and Natural Gas Ministry-in ‘Pradhan Mantri Ujjwala Yojana’ (PMUY) hnuaia ram chhunga BPL chhungkuaa hmeithai zawng zawngin Gas Connection an neih vek theihna atana hmalakna turah kumin March ni 19 hmaa LPG Connection vaibelchhe 5 pekna atan Rs. Vaibelchhe 12,800 ruahman a ni a, hei bakah hian kum 2020 March thla hmain LPG connection vaibelchhe 3 pekchhuah hman tum a ni a, he hmalakna tur hi Prime Minister, Pu Narendra Modi chuan kum 2016 May ni 1 khan Uttar Pradesh-a Balia hmunah a lo hawng tawh tih sawiin, hemi hnuaiah hian IOCL pawhin chak takin hma a la mek a, kum 2016-a hawn a nih a\anga nikum December ni 15 thleng khan LPG Connection vaibelchhe 2 leh nuai 75 pekchhuah tawh niin, he hmalakna hnuaia ram puma LPG Connection pekchhuah zat chu vaibelchhe 5 leh nuai 8 a tling tawh tih an sawi a ni.
IOCL hotuten thuthar lakhawmtute an kawmnaah hian IOCL Mizoram
Retail Sales Assistant Manager, Pu Vishal Alok leh Sales Officer, Pu Martin Gangte te pawh an tel a ni.
