IAF Day lawmnaah hian Delhi bula Hindon Air Base-ah MiG-21 Bison enchhinna neih a ni a, MiG-21 Bison hi Soviet hunlaia indona atan hman a ni a, tunah chuan khawl thar hmanga thuam \hat a ni tawh a ni.
He ni lawmna inkhawmah hian Wing Commander Varthaman hi February thlaa Pakistan indo thlawhna F-16 a kahthlak vangin chawimawina Vir Chakra Award hlan a ni.
Air Chief Marshal RKS Bhadauria chuan ramri hrula awm ram dangte laka venhimna \ha tawk tak a awm theih nan Indian Air Force chu engtik lai pawha inring renga awm turin a chah a ni.
Hetihlai hian, Rafale indo tlawhn chungchangah Defence Minister Rajnath Singh leh French President Emmanuel Cacron te chu Paris ah an inbia a, Rajnath Singh hian France hnen a\anga a lei he indo thlawhna 36 te a dawng dawn a, Army Chief General Bipin Rawat erawh Hindon-a thlawhna enchhinnaah a tel thung a ni.
Airforce Day vawi 87-naah hian Pakistan in Februarty thlaa India indo thlawhna Sukhoi 30 MKI kapthla nia a insawi chu a dik lo tih finfiahna lantir a ni a, Indo thlawhna ten mipui hmuh tura vansanga nunchan an zirnaah Pakistan in kapthla nia a insawi Sukhoi 30 MKI hi a tel a, a khalhtute pawh khami hunlaia pilot te tho kha an ni. Pakistan chuan he indo thlawhna hi February thla-a India in Balakot-a mifirfiakte hmun a beih \um khan kapthla angin an insawi a ni.
