Pakistan foreign ministry chuan Pakistan sorkarin an thil hmuhchhuahte chu India High Commisioner hnenah an hlan tih a sawi a, Adil Dar-a inpuanna video thlalak tiamin India thil chhui chhuahte chu chik taka endik a nih thu an sawi a, Pulwama-a pawikhawihna thlawp zawnga video leh message WhatsApp leh Telegram hmanga thawnna number te pawh endik an ni a, heng number hmangtute chanchin hriat belhna atan Service Provider te pun an ni tawh a, WhatsApp a\anga puihna dawn a nih theih nan US Sorkar hnenah ngenna hlan a nih tawh thu an sawi bawk a, mi 54 thuzawhfiah mek an ni a, Pulwama-a pawikhawihna nena an inkungkaihna hmuhchhuah a la ni lo tih an sawi. India-in hmun 22, mifirfiakte inkhuarna hmun nia an report chu enfiah an nih hnuah mifirfiak hmuh an nih loh thu leh heng hmun te endik tura tlawh an phal thu an sawi bawk a ni.
Pakistan hian CRPF 40 thihna, Pulwamaa pawikhawihnnah hian an inrawlh loh thu a lo puang tawh a, Prime Minister Imran Khan chuan India-in finfiahna chiang tak a pek theih chuan bawhzuia, \ha taka thawhpui a inpeih thu a lo puang tawh bawk a, Pakistan Foreign Ministry chuan hma la thei turin India a\angin finfiahna an dil belh tih a sawi.
