Vuina inkhawmah hian amah suntu India ram hmun hrang hrang a\anga kalkhawm Biak In leng lo khawpa tam an pungkhawm a ni.
A vuina inkhawm hi Rev. Eno Panlook in a kaihruai a, kohhran hrang hrang hruaitu te bakah Kalimponga a chhungte, a thiante leh amah ngaisang tute an tel a. Rev. Namgyal, Delhi a Sonama te lawina kohhran pastor in a vui a ni. Chhungkaw aiawhin a nupui Dina Ramliani’n thu a sawi a, a fapa Nathan Vanlalruata Sherpa, kum 9 mi pawhin Sam 23 na leh Joba 1:21 te chhiar chhuakin a pa sunna thu a sawi a ni.
Sonama hi Dr. Graham’s Home Cemetary-a mi bikte phumna, Hreitage site-ah phum a ni a, Graham’s Home zaipawlin hla remin an thlah liam ani.
Sonama hi October ni 8 1971, Kalimpong ah a piang a, a naupan tet atanga rimawi ngaina mi a ni a, Civil service(IRS) ah te pawh a inziak tling a, zawm lovin a tuina ber music lamah ei a zawng ta zawk ani. Tunah hian Delhi ah anmahni inah khawsain Parikrama School of Music an enkawl mek ani.
An nupain music video “Aw Zoram” tih chu kum 2003 ah an siam a, amah sonama hi 2010 khan Seki contest ah pawh khan guest judge a ni nghe nghe. Parikrama band hi \um 2 mizoramah an perform tawh a, kumtin Mizoramah hawngin rimawi khawvela milarte nen hun an hmang fo \hin a ni.
