India rama car siamtu lian ber Maruti Suzuki hian Haryana-a car an siamna hmunpui chu ni hnih chhung an khar dawn tih an puang a, Gurugram leh Manesar-a car an siamnate chu Inrinni leh Thawh\anniah te khar a ni ang.
India ram sum leh pai dinhmun \ha lo chho zelah lirthei siamtute hralh chhuah a tlahniam nasa hle a, company tam takin hnathawktu an chhawr an ti tlem a, Maruti Suzuki hian thla khat chhunga an hralh chhuah \hin chu thla hlui khan zaa 35.86 in an phak lo a ni. Hetiang bawk hian lirthei siamtu company dangte hralh chhuah pawh a tlahniam nasa a, kum 10 chhunga a tlak hniam nasat ber lai an tawng chho mek a, July thla khan company hrang hrangin lirthei an hralh chhuah zat chawhrual chu za zela 30.98 in a tlahniam a, kum 2000 hnulama a tlakhniam nasat ber \um a ni.
