Lok Sabha Secretariat-a Parliamentary Research and Training Institute for Democracies-in Mizoram Journalist-te tana Parliament rorel kalphung leh thil tih dan zirchianna tun thla ni 25 a\anga ni 27 chhunga an buatsaiha kal Zonet palai zawhna chhangin Lok Sabha Secretariat hotute chuan, MP-te tan House-a rorelnaah mahni duhthua thusawi ngawt theih a ni lova, a tlangpuiin Party lian, MP engemawzat neite chu an hotuten an aiawha thusawi tur an ruat \hin a, hemi piah lamah hian MP-te chu mipui aiawh an nih angin an biala an aiawh sak mipui tam dan a zirin thusawi theihna hun pek an ni \hin a. A tlangpuiin MP-te chu mi nuai 30 vel aiawh tura ngaih an ni a, hetih rual hian State t>, mihring tlemna Mizoram leh hmarchhak bial state dang angte chu an state mila remchanna ziam sak \hin an ni tih an sawi. Lok Sabha Secretariat hotute chuan, House chhunga rorel engpawh mipuiten awlsam taka an hriat theih nan kum 1952 a\ang khan Lok Sabha Website – www.loksabha.nic.in ah dah zel a ni tih an sawi a, session lai pawhin website hi darkar tin update reng niin, hetah hian Minister te thusawi te, member te zawhna leh thusawi hrang hrang leh an inhnialna te dah vek a nih avangin Parliament House-a rorel leh a kaihhnawih thil hrang hrang hre duh tan pawh RTI Act hmanga zawh kher ngai lovin an website a\angin awlsam tea en theih a ni tih an sawi.
Lok Sabha term dinglai, 17th Lok Sabha-ah hian Political Party 36 a\angin Member an awm a, chung zinga Party 15-in member pakhat \heuh an ni a, member 2 nei Party 4 awmin, party 4-in member 3 an nei a, member 9 nei Party pakhat leh member 6 nei Party pahat awmin, member 5 nei Party 2 an awm a, Party 9 chuan member 10 leh a aia tam an nei a. Member-te hian India sorkar-in \awng a pawm, 8th Schedule zinga an duh duhin House-ah thu an sawi a, hengte hi member ten an hriat theih nan \awng lettu ten hmun leh hmunah an lo let nghal zel a, House chhunga zawhna erawh \awng chi hnih – Hindi emaw sap \awng emaw chauha zawh theih a ni thung. Lok Sabha leh Rajya Sabha-ah hian Committee peng pahnih Standing Committee leh Permanent Committee-in chung hnuaiah chuan Committee peng hrang hrang, Parliamentary Committee 55 a awm a. Chung zinga 31 chu Lok Sabha leh Rajya Sabha member tel kawpna, Joints Committee a ni a. House malin an enkawl Committee 24 awmin, Lok Sabha leh Rajya Sabha-in Committee 12 ve ve an chang a ni. Joints Committee-ah hian member 31 zel an awm a, chung zinga member 21 chu Lok Sabha a\anga ruat an ni a, a bakh 10 chu Rajya Sabha member an ni thung.
Puan tawh angin Mizoram sorkar-a Information and Public Realations Department tirhin Mizoram Journalist Association member 15 leh I&PR Officer 5-ten tun thla ni 25-27 chhung khan Parliamentary Research and Training Institute for Democracies hnuaiah Parliament rorel kalphung leh thil pawimawh dangte an zuk zir a. Lok Sabha Secretariat kaihhruaina hnuaiah Parliament chhunga hmun pawimawh hrang hrang an fang a. Training-a kalte hi Inrinni khan tluang takin Mizoram an lo thleng a ni.
