A hmanna pui ber Assembly Annexe Conference Hall-a neihah H&TE Minister Dr. R. Lalthangliana chuan thuchah a sawi a, Mizoram chu ziak leh chhiar thiam tam lamah sang mahse belhchhian dawl nih a ngai a, Mizote theihna hrang hrangte khawvel zau zawk hriatah chhawpchhuah tum a ngai a ni a ti a, Science & Technology hmanga ram hmasawn dan tur kawng hrang hrang ngaihtuah a, sawihona hun tha Seminar emaw Symposium emaw huaihawt a rawt a ni.
Science & Technology Secretary Dr.C.Vanlalramsanga leh Chief Scientific Officer Dr.R.K.Lallianthanga te pawhin thu an sawi a. Kumin National Science Day-ah hian thupuiah Science for the People and the People for Science tih hman a ni.
Tun dinhmunah India rama state 29 zingah Mizoram leh Meghalaya chiahin Science & Technology Department hran an la nei lova, Mizorama College 20 awmte zingah 5 chauhin Science zirna an nei tih Dr RK Lallianthanga chuan a sawi.
