Uttar Pradesh Police te chu bungraw chawk luhna hmun leh khualzin phurtu bus, rel leh thlawhna te enfiah vek tura tih an nih bakah veng \awp laia chengte zingah rinhlelh an awm chuan an lehkha pawimawhte enfiah tura tih an ni bawk.
Hei bakah hian sorkar hnathawk zingah ram dang mite tan document lem siamsak an awm leh awm loh te chhui tura thupek an ni bawk a, an mi rinhlelhte chu an kut zung\ang thla laksak tura tih an ni. September thla khan UP Chief Minister, Yogi Adityanath chuan Assam-a NRC list siam chu \ha a tih thu a lo sawi tawh a, an state-ah pawh a \ul a nih chuan ram dang mite dap chhuah hna thawh ve a tum thu a lo sawi tawh a ni.
Supreme Court-in Assam khualehtui dik tak zawnna chu villin, Assam-a piang leh Bangladesh leh a \henawm ram a\anga Assam-a pemlutte lehkha pawimawh endik sakin, a thliar hrang a, Bangladesh-in Pakistan a\anga a in dan thu a puan hma, kum 1971 March ni 24 hmaa Bangladesh a\anga India-a lut te chu Assam khualehtui angin a pawm a ni.
