India man duh zingah Pakistan sorkar mi pawimawh telh

India-in man a duh zingah Pakistan sorkar-a mi pawimawh tak pakhat, Amir Zubair Siddiqui telh a ni. National Investigation Agency chuan Siddiqui hi kum 2014-a Sri Lanka-a Pakistan High Commission-a hna a thawh laiin, India rama pawi khawih dan tur ruahmanna a siam tih a sawi a, kum 2008 November ni 26-a Mumbai khawpuia LeT mi firfiak pawlte’n hmun hrang hrang an beih ang zulzui khan India chhim lama US leh Israel sorkar hmunte beih dan tur a ruahman niin a sawi bawk a ni. Siddiqui-a hi Pakistan sorkar mi pawimawh, India-in man a duh zinga telh hmasak ber a ni a, a inrawlh tih pawh hi kum 2013-a CID te’n Tamil Nadu-a Pakistan enthlatu an man, Mohamed Zakir Hussain-a thu an zawh fiah a\anga hriat chhuah a ni tih NIA-in thubuai a thehluh-ah chuan a ziak a, Chennai-a US Consulate leh Bengaluru-a Israel Consulate-te beih an tum thu leh, Colombo khawpuia thawk, Amir Zubair Siddiqui-a hnuaia thawk a nih thu a inpuang tih thuneitute chuan an sawi a, an pahnih hian \um eng emaw zat an inhmuh thu leh India sipai leh ralthuam chungchang thil eng emaw zat chu an inhlan chhawng hman tih an sawi bawk a ni.