Defence Minister Nirmala Sitharaman-i chuan ni 5 thanga US tlawhin vawiin kha US-a a hun hman tawpni a ni a, amah zuitute sawidanin, mipui rorelna ram lian pahnih aiawhte hian Pacific tuipui India thunun chin-a venhimna sawh ngheh dan tur te, India lawng sipaite theihna tih hmasawn dan turte bakah Prime Minister Narendra Modi-a hmalakna Make in India hnuaia, US Company tam zawkin India rama hma an lak theih dan turte an sawi ho a ni.
US chuan india chu nasa leh zuala \anpui a remti tih Defence Minister \awiawmtu officialte chuan an sawi a, tunhnai maiah India leh US hruaitu pawimawhte hi ram venhimna chungchang sawiin \um engemawzat an lo inkawm tawh a, thla hlui mai khan Prime Minister Narendra Modi chuan US Vice Preisident Mike Pence a lo kawm tawh a, a hnuah US, Japan leh India aiawhte pawh an lo inkawm tawh bawk.
