Tlabung MNF Block-II hruaitute leh, Lungleia MNF Sub-Hqrs aiawhten, Kawrpuichhuaha coronavirus screening point kalpui dan zirchiangin thawktute an kawm a, kumin February 10-a helaia hmuna screening point hawn a nih atanga vawiin thlengin, ramri kana veivak mi 202-te chu he hrileng an vei a rinhlelhawm leh awm loh endik an nih tawh thu leh, tun dinhmunah chuan he hri vei rinhlelhawm an la hmuh loh thu, helai hmun thutchilhtute chuan an lo hrilh a ni.
Tlabung MNF Block-II president Pu P Vanlalmawia chuan, Mizoram chhunga he hri hlauhawm a len ve lohna tura Health Minister hmalaknaa Kawrpuichhuaha Screening point kalpui mek a ni chu lawmawm an tih thu leh, an thlamuan thu an sawi a, tlawmngaia helai hmuna duty-te puih theihna an nei a nih chuan, an tha tichak tura anmahni puih an inhuam thu a sawi.
