UN High Comissioner for Human Rights Michelle Bachelet chuan India-in citizenship law a tihdanglam dan leh Delhi-a buaina chhuakah police te chetlak dan chu lungchhiatthlak a tih thu sawiin, politics hruaitute chu tharum hmang buaina chhuak thei chi reng reng khap turin a ngen a ni.
Geneva-a Human Rights Council 43rd session neih mekah Bachelet chuan Jammu and Kashmir chungchang pawh a sawi a, hemi hnu hian India ram aiawh chuan national statement a chhiar chhuak a, khawvel pumpui human rights vanga inzawmna nei zingah India ram pawh telin, thawhhona \ha leh inpawhna \ha tak neih zel an duh a, chumi vang chuan democracy ram inrelbawl dan chu hriatthiam a, hmasawn zawnga an kal zel a duh tih a sawi a, democracy ramah tharum thawha buaina tihchhuah chu dan phal loh a nih vangin remna leh muanna te, nunphung pangngai tea an awm leh theih nan hmalak mek a ni tih a Bachelet chu a hrilh bawk.
