India in tui harsatna nasa tak, tunhmaa la thleng ngai lo a tawk chho mek tih NITI Aayog report in a tarlang. Report-a tarlan danin India rama cheng mi maktaduai 600 zetin tui harsatna hi an tawk a, kumtinin mi nuai 2 vel zet chu tui thianghlim in tur khamkhawp hmuh loh vangin an thi a ni. Kum 2030 ah chuan tui mamawh zat a leta pung chho tur a ngaih a nih avangin tui harsatna hi a la nasa zual zel dawn a, India ram sum leh pai deh chhuah DGP pawh zaa 6 thlengin a ti hniam thei dawn a ngaih a ni.
Niti Aayog report, Composite Water Management Index’ tia vuah hi Water Resources Minister Nitin Gadkari a’n a tlangzarh a, kum 2020 ah chuan khawpui lian zual 21 ah te leihnuai a\anga tui lak a kang chat tawh dawn a, mi maktaduai 100 zetin harsatna an tawk dawn tih report ah hian tarlan a ni bawk. Report a tarlan anih dan chuan india rama tui awm zawng zawng zaa 70 chu tui bawlhhlawh, in tlak loa ngaih a ni.
Tui enkawl kawnga state hrang hrang tih \hat dan pawh report ah hian tarlan a ni a, Gujarat chuan ti \ha berin Madhya Pradesh, Andra Pradesh, Karnataka leh Maharastra ten an dawt a, Hmarchhak bial leh Himalaya tlang pang state te zingah Tripura in a ti \ha ber a, Himachal Pradesh, Sikkim leh Assam ten an dawt a ni.
