Manipur sorkar chuan Myanmar a\anga an rama luh theihna kawng zawng zawng a khar vek a, hei hi Coronavirus laka Manipur a him nana tih a ni.
Manipur sorkar chuan an ram chhunga ramdang mi luh pawh khap nghalin ramdang nena an inri-na zawng zawng leh Moreh-a Indo-Myanmar ramri pawh tiam chin awm lovin a khar bawk.
Mizoram sorkar chuan Myanmar leh Bangladesh a\anga luhna zawng zawng pawh kharin ramdang mite an rama luh an khap a, Arunachal Pradesh sorkar chuan ramdang mite tana Protected Area Permit a pek \hin chu a ti tawp bawk. China nena an inrin-na a\anga Arunachal Pradesh tlawh tum foreigner te tan PAP an neih a ngai a, hei hi AP sorkarin a pe chhuak \hin a ni. Chief Secretary Naresh Kumar chuan PAP pek chhuah chu thuleh awm hma tihtawp a ni ang tih a sawi.
Hemi hmalam hian Sikkim chuan an State chhunga foreigner te luh a lo khap tawh bawk a ni.
Assam-ah chuan America khualzin, Covid-19 veite nena inhnimhnai nia hriat mi 400 velte chu tun thlengin khung hran an la ni tih Health Minister Himanta Biswa Sarma chuan a sawi.
India hmarchhak State-ah hian Assam-a America mi khualzin pakhat Bhutan a luh hnua virus kai tih loh chu Covid-19 vei hmuhchhuah an la awm lo a ni.
