Court lehkhapawimawh a\anga a lan danin heng mite hian India call centre hmangin Internal Revenue Service-a US tax official nia insawiin America mi te chiah an la pek loh thu hrilhin an pek loh chuan man an nih thei tiin an vau \hin a, an chiah pek loh te pek nan prepaid cash card lei turin an ti a, heng card te hi lam tur leh an bank acount-a thun turin mi an tir \hin a ni.
November thla-a dan bawhchhia-a puh an nih khan police te’n Nishitkumar Patel-a chenna in hi an dap a, dollar 50,000 leh bank leh wire transfer-na receipt za chuang an hmuchhuak a, an laka thubuai ziahah chuan kum 31 mi, Nishitkumar Patel, kum 22 mi Sharvil Patel leh kum 27 mi Hemalkumar Shah te hi cash card lamtute ruaitu ber an ni. An thawhpui Alejandro Juarez chu thla 15 lung ina tang tura a chungthu rel tawh a ni a, Federal Judge Virginia Hernandez Covington chuan Nishitkumar Patel chu kum 8 leh thla 8 chhung lung in tang turin a chungthu a rel a, dollar 200,000 chawi tur leh a sum leh lirthei laksak turin a ti bawk a ni. Hemalkumar Shah, Sharvil Patel leh Brend Dozier te chuan dan hmaa an chungthu rel hun an la nghak a ni.
