Ram zalenna champha, vawi 70-na pualin President thar, Ram Nath Kovind chuan kum 5 chhungin sakhua leh nihna-in a tihbuai loh, India thar din turin mi zawng zawng a sawm. President a nih hnua ram mipuite hnena thuchah a sawi hmasak berah, President Kovind-a chuan sorkar laipuiin tangka note thar a siam chu tha a tih thu leh, ei rukna leh pawisa chheprelh do kawnga mipuite thlawpna chu hlu a tih thu a sawi a, chhiah lak dan thar, GST hman a ni ta chu lawmawm a tih thu a sawi bawk. Pu Kovind-a chuan India ramin hma a sawn tak tak theih nan hnam hnufual, Scheduled Caste leh Scheduled Tribe te pawh ngaih pawimawh a tul thu a sawi a, hnamm hnufual zawkte hi hmasawnna rahbi tuktu pawimawh tak an nih avangin, mi dangte hriatthiamna ngah tak ram nih a tul thu a sawi bawk. Puan tawh angin Pu Kovind hi hnam hnufual, Dalit mi a ni.
