Pulwama-a thihchilh bomb hmanga mifirfiakte’n CRPF sipai 40 te nunna an lak hnuah sorkar laipui chuan Jammu & Kashmir-a mifirfiakte sum hmanga puihna chhut chah tumin ngawrh takin an bei zui a, Kashmir leh Delhi-a Income tax officerte’n an dap hmunte hi India ram himna ti derthawng zawnga hma la \hin pawl hotu leh an \huihruaite hmunhma a ni hlawm. Central Board of Direct Taxes thupuangtu Surabhi Ahluwalia chuan quarry leh hotel sumdawnna lama dan loa sum tam tak thawlhruk finfiahna an hmu a, chhiah an pe ngai lo tih a sawi bawk a, Sorkar chuan heng mi te hi an hming puan chhuah a la remti lo a ni.
Ahluwalia chuan hard disk 3 man a nih thu a sawi bawk a, a chhunga thil awm te hian chhiah pek pumpelh tumte lakah finfiahna chiang zawk an hmuh a rin thu a sawi.
