Kum 2010-11 chhunga an chhiah chawi tur zat chhut chhoh mek ti tawp tura Delhi High Court-a an ngenna hnawl a nih hnuah Gandhi te nufa hi Supreme Court ah hian an zualko a ni. Rahul Gandhi te nufa hi thubuai dang party sum mimal ham\hatna tura hman thubuaiah inhnamhnawiha puh mek an ni bawk. Tuna thubuai chai mek hi Associated Journals Ltd. kaihhnawiha chhiah pek tur zat thubuai a ni a, he company hi National Herald Newspaper chhuahtu, Jawaharlal Nehru-a din a ni a, he company hian kum 2010-11 chhung khan sum lakluh nei lo angin an insawi a, midang \anpuina lamah pawh hmalakna an neih si loh avangin chhiah awl ngawt theihna an nei lo tih IT dept lam chuan an sawi a, chhiah chawi tur zat an chhut sak mek laiin Rahul Gandhi te nufa hian court an pun ta a ni. Vawiina Supreme Court in chhiah chawi tur zat chhut chhunzawm a remtih rual hian January ni 8 khian ngaihtuah nawn leh turin a dah a ni.
