IIT Bombay Dean of Student Affairs chuan zirlaite khapna hi mail-ah an dawng tih a sawi a, lungawilohna lantirnaa inhnamhnawih lo tura zirlaite hriattirna a inziak tih sawiin, activists leh eptu pawlten rorel lai BJP chu zirlaite dik lohna hailan tuma \an khawhah a puh laiin he lehkha hi an dawng tih a sawi bawk.
Lehkhaah chuan zirlaite fimkhurna tur chi 14 a inziak tel a, hostel boruak muanawm tak tihbuaia a awm loh nan thusawite, lemchan leh zai hote a khap sak a, poster emaw leaflet emaw campus chhunga sem khapna te pawh a tel bawk.
A tawp berah chuan khapna dan hrang hrang an ziak te chu khauh taka kalpui a ni dawn tih a inziak tel bawk a ni.
IIT Bombay zirlaite hi mi tun thla tira Gateway of India CAA leh NRC duhloh lantirnaah khan an tel ve a ni.
