Vawiina Aizawl SP Conference Hall-a thuthar thehdarhtute a kawmnaah Pu John Neihlaia chuan, lirthei intlanchhawk hian zinglam dar 9 a\anga tlai dar 5:30 thleng a huam dawn tih a sawi a, sorkar leh mimal lirthei eng chi pawh ngaihhnathiamna pek lohte chu inthlanchhawk hian a huam vek dawn a, Taxi leh City Bus erawh chu a hmaa an tlan dan panngaiin an tlan dawn a ni. Pu John Neihlaia chuan, inthlanchhawk ni hmasa ber karleh thawh\anniah chuan lirthei number 1 leh 2 a tawpte an din a ngai dawn lo tih a sawi a, thawhlehniah 3 leh 4 a tawp te, nilainiah 5 leh 6, Ninganiah 7 leh 8 leh zirtawpniah 9 leh 0 a tawp te an ding dawn a, inrinni, pathianni leh sorkar pisa chawlhah erawh chuan lirthei zawng zawng an tlan thei dawn thung a. Intlanchhawk dan thar hman a nih dawn avang hian tunhma aiin nikhatin lirtheite chu an ding tam dawn a ni. Intlanchhawk dan thar hman a nih dawn avanga lirthei thar lei leh registration pung hluai tura ngaihna awm chungchangah Pu John Neihlaia chuan, kum 2009 a\anga kumin April thla thleng khan lirthei 6514 Transport Department-ah ziahluh a nih thu a sawi a, hei hi chawhrualin thla tin lirthei 1628.5 ziahluh \hin ang a ni a, a hmaa lirthei intlanchhawk hman a nih pawh khan lirthei pun dan a ti danglam lutuk lo a, traffice Police ten an zirchian danin Ber thla thlasik laiin lirthei inziak lut a pung deuh \hin niin a sawi. Pu John Neihlaia chuan, Transport Department chhianchiah danin kumin January leh May ni 10 thleng khan Aizawl Dsitrict-ah lirthei 1,70,123 a awm tih a sawi a, heng zinga zaa 70 chu khawpui chhunga tlan anga chhut a ni a, tuna lirthei intlakchhawk an hman mekah ni khata chawl zat chu 11,909 a ni a, thla thar ni 1 a\anga intlanchhawk dan thar hman a nih hunah erawh chuan, lirthei 23,818 an ding tawh dawn tih a sawi. Pu John Neihlaia chuan, Aizawl khawpui lirthei jam chhan an zirchiannaah point hrang hrang 16 an ziak chhuak tih sawiin, heng hi a theih ang anga sutkian dan tur ngaihtuah mek a ni tih a sawi a, kum 2017 December ni 1 a\anga kumin May ni 7 thleng khan lirthei dahna (Garage) nei lo veng 169 an endik a\angin lirthei 1927 an man tawh tih a sawi bawk.
