International Court of Justice (ICJ)-a roreltu, Judge atana India-in a rawt, Dalveer Bhandari chu vawiin khan thlan tlin a ni a, Britain-in a candidate a hnuhdawh hnuah Bhandari hian UN General Assembly-a vote 193 zinga 183 a hmu a, Security Council-ah vote 15 a hmu bawk a ni. He inthlanah hian Bhandari leh Britain aiawh, Christopher Greenwood chu an inbei tawk hle a, Security Council-a member nghet ram – US, Russia, France leh China pawhin Greenwood hi an thlawp a, mahse UN-a British Permanent Representative, Matthew Rycroft-a chuan vote thlak vawi 12-na hma lawkah United Nations General Assembly leh Security Council President hnenah lehkha inang thawnin, Britain candidate, Judge Christopher Greenwood-a’n inhnuhdawh a duh thu hi a thlen ta a ni. The Haque-a International Court of Justice-ah hian Judge 15 an awm a, term khat hi kum 9 a ni a, Bhandari leh Greenwood-a hian term khat ve ve an chelh tawh a ni. A hmaa vote thlak vawi 11-ah Bhandari hian General Assembly-a vote hmun thuma \hena hmun hnih \helh a hmu a, Security Council-ah erawh chuan Greenwood-a hian vote 9 a hmu tling zel a, Bhandari hian vote 5 a hmu a, result hi a chian mai loh avangin vote thlak nawn zel a ngai a ni.
Chanchin Thar ICJ roreltu atan Dalveer Bhandari thlang tling
