ICFAI University-a Political Science Deptt. leh Mizoram Political Science Association \angkawp chuan vawiin khan ICFAI University Campus-ah kum 2018-a Mizoram Assembly Election-a vote tlak dan leh vote zawnna atana party hrang hrangten an hman chungchang sawihona seminar an nei.

He Seminar Issues and Trends in Mizoram Legislative Assembly Elections 2018 tihah hian Chief Electoral Officer, Pu Ashish Kundra, Mizoram Political Science Association President, Pu Zothlanpuia, ICFAI University, Vice Chancellor, Lt. Gen. Dr. AK Mishra ten thu an sawi a, Mizoram University-a Political Science Prof. Jangkhongam Doungel chuan seminar thil tum leh thupui a sawifiah a, hemi hnu hian Technical session neih nghal a ni.