MNF aiawha tel, Minister hlui Pu H Rammawi chuan NDA/NEDA a\anga MNF a inhnuhdawh vanga Citizenship Amendment Bill chu pass loh tur anih chuan MNF chu a inhnukdawk nghal thei reng niin a sawi a, he bill hi an party chuan a duh lo a, a duh loh thu pawh chief minister Pu Zoramthanga’n Prime Minister leh Home Minister te hnenah a thlen tawh a ni a ti a, he bill pass anih lohna turin party inbei kual lova mizo zawng zawng \anrual a ngai zawk a ni a ti.
Congress Party aiawha tel Youth Commission chairman hlui Pu Joseph Lalhimpuia chuan Citizenship Amendment bill duh lohna chu Mizoram sorkarin a taka a lantir a ngai a ni a ti a, chief minister in Prime Minister leh Home Minister te a sawipui tih chanchinbua pholan piah lamah, an duh loh thu ziaka an thlenna hmuh tur a awm ngei a ngai a ni a ti.
ZPM leader Pu K Sapdanga chuan MNF sorkar chu he bill duh lo anga insawi si a, he bill pass tumtute thawhpui lui tlat siah a puh a, MNF party chet dan chu kut veilama meialh \helh tum anga inlantir-a, kut dinglama petrol leih ruk belh zel si ang nen a tehkhin a ni.
Political party hrang hrang aiawhte hi ICFAI zirlaiten zawhna zawtin sawihona hun hman a ni.
