I-T dept.-in tangka fai hman dan chungchangah khuahkhirhna siam

Income Tax Dept. chuan midangte nena indawrnaah ni khata mi pakhat hnena tangka fai cheng 2,00,000 chin chunglam pek emaw dawn emaw khap a ni tih leh dan bawhchhiate chu hrem theih an ni tih a puang. Dept. hian thil che sawn thei lo, in emaw ram emaw chungchanga indawrnaah tangka fai cheng 20,000 chin chunglam pek emaw dawn emaw phal a nih loh thu leh, sumdawnna emaw hna lam kaihhnawiha tangka faia cheng 10,000 aia tam sen khap a nih thu a sawi bawk a, hei hi ramchhunga sum chheprelh, dan loa sum lak luh leh pawisa lem tam lutuk a do let kawnga sorkar ruahmanna nia sawi a ni. Kumin April ni 1 khan sorkar laipui chuan Finance Act 2017 tlawhchhanin tangka fai cheng 2,00,000 chin chunglam hmanga indawr khapna thupek a siam a, he khapna thupek hian sorkar, bank, post office savings bank emaw co-operative bank emaw a huam tel lo a ni.