He inkhela Goal hmasa ber chu Minute 40-naa Aizawl FC forward Ansumana Kromah-a’n Penalty a\angin a thun a, first half-ah goal dang a luh belh tawh lova, second half minute 81-naah Lalkhawpuimawia’n goal 1 a thun belh a, hemi a\anga minute 2 lian hnu minute 83-naah goal khatna thuntu Ansumana Kromah chuan goal 1 dang a thun belh a, minute 89-naah Isak Vanlalruatfela’n goal 1 dang thun belh ve lehin, hun pek belh Minute 93-naa Shillong Lajong tana Donboklang Lyngdoh goal thun chuan awmzia a nei tawh lo a ni. Team 11 telna I League khelh mekah hian Aizawl FC chuan Game 19 khel tawhin, Point 21 an hmutawh a, Season thara I League khel chhunzawm turin an in pet tling a, hnehna chang zo ta lo Shillong Lajong erawh Division hniam zawka an tlak a ngai dawn ta a ni.
I League Season kal mekah table-a hmahruaitu Chennai City chuan Point 40 hmu tawhin, an mahni dawttu Quest East Bengal chuan Point 39 an hmu tawh a. Khelh khat chiah khelh hmabak a awm tawh avangin Club pahnih hian Champion theihna chance an nei ve ve a ni.
