He dan siam\hat anih hnu hi chuan hursualna lam hawia naupang khawih chingpentute chu na zawka hrem theih an ni dawn a, thi tura an chungthu hrem thlengin an chungthu rel sak theih a ni ang.
Women and Child Development Minister Smriti Irani chuan POCSO hnuaia thubuai lutte chak zawka relfel anih theihna turin fast tract court 1023 din a ni dawn tih a sawi a, State 18 ten Fast Track court din an remtih thu an sawi tawh a, kum 2 chhunga din vek tum a ni a ti. Heng Fast Track Court te dinna tur hian cheng vbc 767 ruahman a ni a, cheng vbc 474 chu central sorkarin a tum dawn tih a sawi.
POCSO dan siam\hatna hnuaiah hian hursualna lam hawia naupang thlalak thehdarh hremna te huamzau zawka duan a ni a, naupang kum 16 chin hnuailam pawngsualtu chu kum 20 aia tlem lo, damchhung lungin tan leh pawisa chawitir thlenga hrem theih an ni dawn, naupang chunga thuneitu, zirtirtu ang chi ten hursualna lam hawia naupang an khawih bawrhban-a hremna a nep berah kum 10 lung in tan tih chu kum 20 lung in tan tia pawhsei a ni bawk. Rajya Sabha in a pass tak he dan hi Lok sabha pawmpui tura thawn a ni ang.
