Hurricane Maria-in Turks and Caicos Islands leh Bahamas pan mek

Thlipui na tak, ruah keng tel, Hurricane Maria chuan Puerto Rico leh Dominican Republic a nuai hnuah, Turks and Caicos Islands leh Bahamas a pan leh mek. Hurricana Maria avang hian Puerto Rico-ah mi 15 an thi a, thi zinga 8 chu tuia tla hlum an ni a, hmun hrang hrangah tui a lian nasa hle a, thlipuiin chenna in bakah kawlphetha peknate pawh a tichhe nasa hle a, tui len zualna bial, Toa Baja a\angin mi 4000 vel an chhanchhuak tawh tih thuneitute chuan an sawi. Dominican Republic-ah pawh Hurricane Maria avang hian mi 14 an thi a, he thliarkara in awm zawng zawng, za zela 95 chu thlipuiin a chung a len bo tih UN Coordination of Humanitarian Affairs Office chuan a sawi bawk. Hurricane Maria-in a pal tlang zinga mi, French Guadeloupe ramah pawh mi pahnih an thi a, US Virgin Islands-ah pawh mi pakhat a thi bawk tih thuneitute chuan an sawi a, US a\angin \anpuitu tur mi engemaw zat an thawh chhuah thu leh tunah chuan ruah a la tam avangin chet zung zung a la har rih hle niin an sawi.