Police hotute hnen a\anga Zonet thudawn danin, Krismas leh kum thar liamtaah khan kum dang aiin halpuah leh halmawi lam chi hi man tur a tlem zawk a. Khapna thupek chhuah a nih hnuah a zuar luite chu an fimkhur a, kum danga tih ngai loh angin a zuarte hian Bazar-a sumdawngte pe lovin veng hrang hranga a zuar chhawng duhte chu Phone hmangin an be lawk a, pek bik an neih avangin man tur pawh an hmu meuh lo tih an sawi.
Report an dawn bawhzuiin halpuah leh halmawi lam chi zuar hi mi 8 police te chuan an man a, heng mite hi IPC Section 188 hmangin thubuai siamsak an ni a, an chungchang hi Court-ah ngaihtuah mek a ni tih an sawi.
Police hotute chuan, halpuah leh halmawi lam chi zuar an mante thubuai an siamsakna IPC Section 188 hi Bailable Case a nih avangin an mi mante hi Bail-a chhuah tir leh nghal vek an nih thu leh Court-in thu a rem angin lung in tan emaw pawisa chawitir emaw hrem theih an nih thu an sawi.
Khap a ni chunga kumhlui thlah zana halpuah leh halmawi lam chi nasa taka hal anih chungchangah man an neih loh thu Police te hian zawhna chhangin an sawi a. Tunhma lam kha chuan khawlaia halpuah hal an tam \hin a, tun \umah erawh khawlaia halpuah hal lovin mahni in chhung a\anga a thlawk thei chi an hal nasat avangin, khawi hmun a\anga hal nge tih hriat a harsa a, Police tan pawh hmalak a harsa niin an sawi.
