Thawh\anni khan Nigeria-a Islam sakhaw thila pungkhawm mi 11 te Abuja khawpuiah kahhlum an ni a, chanchinbu mi 1 kahhlum a ni bawk. HRW chuan hliam \henkhat damdawi ina hruaite chuan inenkawlna an la dawng duh lo tih a sawi a ni.
Kum 2015-a sipaiin Shia Muslim pawl hotu Ibraheem Zakzaky an man chu Shia muslim te hian chhuah turin thuneitute an ngen a, khami \um khan Ibraheem-a zuitute zinga mi 300 chuang thah an lo ni tawh a ni.
Hetihlai hian Nigeria ram pawisa dollar maktaduai 1.6 chuang sipai \henkhatin an bikbo pui a, pawisa a bo rual hian senior officer pakhat pawh Abuja-a chenna in pakhatah hren mek a ni bawk a, Nigeria sipai hotuten report an dawn danin heng pawisa te hi sipai chet velnaa hman tur a ni a, truck-ah phurh niin, a veng turin sipai 5 an tir a, a venghimtu tura ruat te hian an sipai form chu hlipin thawmhnaw dangin an inthlak a, pawisa chu an tlanbo pui a ni.
