Human Resources Development Board chu an chairam Education Minister Pu Lalchhandama Ralte hovin vawiin khan an \hukhawm a. Meeting kaihruaitu Pu Lalchhandama Ralte chuan, Human Resources Development Board chu zirna lama thuneitu sang anih avangin zirnain hma a sawn theih na tura ngaihtuahna seng tur an nih thu a sawi a, sorkar zirna In chauh ni lo mimal zirna In thlenga hma an sawn theihna tur ngaihtuahtu tur an nih thu a sawi.

Vice Chairman Pu L.Thangmawia MLA pawhin thingtlang zirna tihhmasawn nan BADP hnuaiah te leh a theihnda dang a\anga ruahmanna siamin zirtirtute quarters engemawzat sak theih a beiseiawm tih a sawi.

|hutkhawmnaah hian Mizo \awng humhalh kawnga Mizo language Committee hnathawh dan an thlir a, an hnathawh dan tur terms of reference ennawn rawtna te, sorkar zirna in a zirlai inziak lut tlahniam zel chungchang te an an sawiho a ni.

Kum 2008-2019 chhungin sorkar sikul 110 chu zirlai an tlem avangin sikul 54 ah chhun khawm a nih thu te, kum 2012-2019 chhungin sikul 19 khar a nih thu te, kum 2016-19 chhungin sikul 6 chu comprehensive sikul atan sawikhawm a nih thu te \hutkhawmnah hian sawilan a ni.