Pu L. Thangmawia hian Saichal – Saitual North East Bualpui Hliappui kawng NH 102 B kawng laih hna hi kum 2006 khan NEC sum hmanga thawh a ni tih chanchinbu mite a hrilh a, kum 2008 khan laih zawh a ni a, hemi hnu hian a kawng chhuat chu tun thlengin blacktop a la ni ta lo a ni a ti a, PWD changtu Chief Minister Pu Zoramthanga’n hma la-in, a siamna tur sum sorkar laipuiin a rawn sanction a ni a ti. Pu L. Thangmawia hian he kawng hi Mizorama khaw 20 vel leh Manipur kal tum ten an hmang \angkai hle dawn tih a sawi a, Lengteng bial leh Hnahlan tlangdung tan Aizawl panna hnai ber a ni a, kawng awmsa aiin KM 30 velin a hnai zawk a ni a ti.
Pu L. Thangmawia hian he kawng blacktop-na tur hian Mizoram sorkar chuan theihtawpin sorkar laipuiah a nawr a ni a ti a, Transport Minister Pu TJ Lalnuntluanga pawhin theihtawpin hma a la a, Chief Minister Pu Zoramthanga’n DO letter hmangin \um hnih a bawhzui a, tunhnai khan sanction order hmuh a ni a, nimin khan hna thawktu tur NHIDCL in tender a tichhuak a ni a ti.
