Pu Lalchhandama Ralte hian sorkar zirna in a\anga top-10 a tling an awm lo chu veiawm a tih thu pawh sawiin zirtirtuten kumin HSLC result chu chona-ah an ngaih a \ul a ni a ti a, sorkar enkawl high school zirtirtute chu nakum ah chuan top-10 a lang pha zirlai chher chhuah tum turin a chah a ni.
Pu Lalchhandama Ralte hian top-10 a mizo hlir an tling chu a lo suangtuah \hin hlawhtlinna a ni tih a sawi a, pakhatna ni turin hausak leh khawpuia chen kher a ngai lo a, tumruhna leh taimakna a pawimawh ber tih kumin result hian a ti lang a ni a ti a, Mizo zinga central service-a lut an tlem chho zel veiawm a tih thu pawh a sawilang bawk.
MR-a zirtirtu lak tur chungchang sawifiahin School Education Minister hian zirtirtu awm lohna leh pakhat leh 2 chauh te awmna school tam tak awm avanga harsatna tiziaawm turin sorkarin MR-in zirtirtu 900 chuang lak a tum a, a theih chinah a khaw mi ngei lak an ni ang a ti a, zirlaibu-ah mizo nula leh tlangval chhuanawmte chanchin zirtur dah tel a duh thu pawh sawiin naupangte hnam thinglung puttir theitu chhawpchhuah tam a ngai a ni a ti.
MZP President L. Ramdinliana Renthlei pawhin thusawiin MZP in zirlaite a chawimawi chhan chu Mizo zirlaite zingah inelna thianghlim awm se an duh vang a nih thu a sawi a, sorkarin sum tam tak seng a, a enkawl school te aia \anpuina pawh dawng ve lo leh zirtirtute te hnena hlawh tlem zawk petu Private School zirlaiten result \ha zawk an nei fo chuan ngaihtuah a ti thui hle tih a sawi a, hei hian Education kalphung siamthat a ngaih zia a ti chiang a ni a ti a, zirna chu ram leh hnam siam\hatna leh humhalhna tura hmanraw \angkai hmasa a ni a ti.
Zirlai ti \ha te chawimawina inkhawm Vanapa Hall-a buatsaih hi an pawl Vice President Pu B Vanlaltana’n a kaihruai a, HSLC top 10 a tling mi 20 te hi chawimawina thu ziak, pangpar, leh tangkafai hlan \heuh an ni
