Assam ramri kaltlang hian nitin khawsakna atana mamawh, essential commodities chauh chawk luh a ni dawn a, heng bungruate him taka lakluh a nih theih dan tur hi COVID-19 Medical Operation Team-a mithiamte leh Commerce and Industries Dept lam hotuten Vairengte mipuite vawiin khan an sawpui a ni.
Serlui bialtu MLA Pu Lalrinsanga Ralte in vantlang inkhawm-ah hian thu a sawi hmasa ber a, Commerce and industries dept-a Jt Director Pu HD Lalrintluanga, Aizawl Civil Hospital Dy Medical Superintendent Dr John Zohmingthanga, leh Dr Joel L Pautu ten mipui kalkhawmte hrileng laka himna tur, thil pawimawhte an sawipui a ni. Inzirtirna hun hi SDO (C) Conference Hall, Vairengte ah leh Forest IB, Vairengte-ah te neih a ni a. Village Level Task Force member te an tel a ni.
Vairengte kaltlang hian nitin mamawh bungraw phur lirtheite tluang takin a kal a ni.
Hetihlai hian zu leh ruihhlo dang lei tuma ramri kan tum, man te chu sokar buatsaih quarantine centre ah dah an ni dawn a, Kolasib Bawrhsap Pu H Lalthlangliana hnen a\anga Zonet thudawn danin, hetiang mi te khung hranna tur hian Kolasib-a Polytechnic chu cheibawl a ni a, naktip a\anga indahluh \an tum a ni. Quarantine centre hi police ten \ha takin an veng ang a, he hmuna khung hran te thlarau lam nun kaihhruai tur hian MKHC Kolasib te nen ruahmanna siam tum a ni.
