An ralthuam daha nunphung pangngaia lo let, Hmar People Convention (Democrats) hel pawl mi 114 te chu vawiin khan CTI Sesawnga inkhawmah Chief Minister, Pu Lal Thanhawla’n a lawm lut. Heng mite hi HPC(D) Council Member mi 12 leh Armed Cadre mi 102 an ni a, rehabilition package a\angin heng mite hian inbenbel nan Rs.3,00,000/- \heuh an dawng dawn a, heta tana sum sen tur zawng zawng hi a vaiin Rs.3,42,00,000/- a tling a, he rehabilitation package hi Chief Minister, Pu Lal Thanhawla’n a puang a ni. Anmahni lawmluhna inkhawm hi Home Secretary, Pu Lalrinliana Fanai in a kaihruai a, hetah hian Sesawng bialtu Pastor, T. Lalthantluanga’n hunserh a hman hnuah SP CID, Pu Rodingliana Chawngthu kaihhruaiin HPC(D) mite chuan ram khua leh tui rinawm ni turin thu an tiam a, hemi hnu hian Home Minister, Pu R. Lalzirliana’n ralthuam leh an hmanraw dang sorkara p>k luh t^k lawmman a pe a ni. HPC(D) mite lawmluhna inkhawma khuallian, Chief Minister, Pu Lal Thanhawla chuan Congress sorkar thil tum leh duhdan chu remna leh muanna siama hmasawnna atan leh mipuite ham\hatna a tana hnathawh a ni tih sawiin, HPC(D) hel pawl leh sorkar inkara remna siam tura an hmalakna hlawhtling ta chu lawmawm a tih thu a sawi a, nunphung pangngaia an lo l>t t^k avangin boruak ralmuang hnuaiah hmasawnna chak takin a kal theih a beisei thu te, hei hian Zohnahthlak zawng zawng zingah inremna leh muanna boruak a siam theih a beisei thu te a sawi a, tun hmalama Mizoram buai chingfel tura Congress sorkar hmalakna avangin sorkar leh MNF inkarah remna thuthlung siam a ni a, hemi avang hian Mizoramah remna leh muanna a lo awm ta tih a tarlang bawk. Chief Minister chuan HPC te awmna bial chhungah mipuite mamawh te chu sorkarin a \ul dan anga ngaihtuah zui zel a tum dawn thu a sawi bawk a ni. He inkhawma thusawitu dang Home Minister, Pu R. Lalzirliana chuan tun \uma HPC(D) nena inremna thuthlung an siam t^k chu kum 1994-a inremna thuthlung siam ang ni lo, a taka inremna leh remna leh muanna duh tak tak vanga inremna nia a pawm thu a sawi a, HPC(D) hel pawlte chu tih tak takna nen nunphung pangngaiah an lo let tih tilangtu chu an silai leh ralthuam dang sorkara p>k luh t^k a\angin a lang niin a sawi a ni. Home Minister chuan HPC mi, he inremna thuthlung siam taka tel lo la awm nia hriat te pawh he inremna thuthlung hi zawma nunphung pangngaia lo let turin an duh tih a sawi a, remna leh muanna duh lova buaina siam zawnga che te chu sorkarin a dim dawn lo tih a sawi bawk. He inkhawmah hian Manipur-a Zohnahthlak MLA, Pu Chaltawnliana pawhin thu a sawi a, HPC(D) hel pawl leh sorkar inkara inremna thuthlung siam anga hel pawl mite nunphung pangngaia an l>t chu lawmawm a tih thu sawiin, Mizoram chu Zohnahthlak zawng zawngten inpuia an ngaih a nih thu te, remna leh muanna boruak \ha tak hnuaiah hma sawn zel se a duh thu te a sawi bawk. He inkhawmah hian Additional Home Secretary, Pu Lalbiakzama chuan HPC(D) hel pawlte leh Mizoram sorkar inkara remna kawng zawnga inbiakna neih dan leh remna thuthlung siama inbiakna hmawr bawk a nih dan a tarlang bawk a ni. HPC(D) miten vawiina silai chi hrang hrang sorkara an p>k luh t^k te hi a vaiin 44 a ni a, chungte chu Assault Rifle 22, Pistol 7, Ulhbun phir 13 leh Ulhbun mal 1 a ni a, silai mu chi hrang hrang 2,892, granade launcher 1, granade 5, granade launcher shells 10 leh detonator 7 a tel a ni. HPC(D) mite lawmluhna inkhawm neih zawh hian mipuiten a lawmna ruai an kilho bawk a ni.
