Mizoram Sorkar leh HPC(D) hel pawlte inkara inremna thuthlung, tun thla ni 2 a siam angin, HPC (D) hel pawl mi 100-te chu naktuk chawhnu-ah CTI Sesawngah lawm luh an ni dawn. Heng mite hi an ralthuam neih zawng zawng, silaimu leh hmanraw dangte nen nunphung pangngai-ah an lo l>t dawn a ni. Nunphung pangngaia lawm luhna inkhawm naktuk chawhnu dar 1-a CTI Sesawnga neih turah hian Chief Minister, Pu Lal Thanhawla chu khuallian a ni anga, Home Minister, Pu R. Lalzirliana pawhin thu a sawi dawn a ni. Inkhawm hi Home Secretary, Pu Lalrinliana Fanai-in a kaihruai anga, hetah hian hian HPC(D) aiawhin an Working Chairman, Pu LT Hmar-in thu a sawi dawn bawk a ni. HPC(D) mite lawmluhna inkhawmah hian HPC(D) hel pawl mi nunphung pangngaia lo let tur te chuan ram danpui hnuaia ram khua leh tui \ha ni turin rinawmna thu an tiam ang a, hei hi CID SP Pu Rodingliana Chawngthu-in a kaihruai ang a, hemi hnu hian an ralthuam Mizoram sorkara pek luh lawmman Home Minister, Pu R. Lalzirliana’n a pe dawn a ni. He inkhawmah hian Chief Minister, Pu Lal Thanhawla chuan HPC(D) mi nunphung pangngaia lo l>t te \anpuina leh inbenbelna tur, Rehabilitation Package sorkarin a siam te a pe dawn a ni. He inkhawmah hian Additional Home Secretary, Pu Lalbiakzama chuan HPC(D) hel pawl leh sorkar inkara inbiakna neih dan, hmasawn chhoh zel dan leh remna thuthlung siama a hmawr bawk dan a tarlang dawn a ni.
