He rel hi New Delhi pan-a a tlan laiin Uttar Pradesh-a Kanpur bulah zing dar 1 velah a kawng a zawhpelh a, thuneitute chuan mi 15 an hliam tih an sawi a, Kanpur-a damdawi inah dahluh an ni a, thi an awm lo a ni. Northern Central Railway CPRO Gaurav Krishnan Bansai chuan rel chesual vang hian rel 13 chu an tlan kawng thlak a nih thu leh rel pakhat tlanchhuak tur chu \hulh a ni tih a sawi a ni.
Ministry of Railways-a Additional Director General Smita Vats Sharma chuan chhanchhuah hna thawktute a hmunah an tirh nghal thu leh rel-a chhuangte chu chhanchhuah nghal an ni tih a sawi a, Railway Ministry chuan rel chetsual chhan hi endik tur ruat a nih tawh thu leh Commissioner of Railway Safety A K Jain an thil hmuhchhuahte report turin an hrilh a ni.
