New Secretariat Complex-a Hospital and Medical Education Directorate Pisa thar, cheng nuai 825.01 senga sak chu vawiin khan CM, Pu Lal Thanhawla’n a hawng a. Hmanrua leh bungraw \ha awm loh avanga sum tam tak senga Mizoram pawna Damdawi In \ha zawk pan ngai \hin chu a tawp theih nan hmanrua leh bungraw \ha zawk lei tura \an lak mek a nih thu leh, sorkar laipui puihnaa damdawi lam zirnaah Mizoram Quota a tlem zel avangin Mizoramah Medical College changtlung tak din a nih theih nan \an lak mek niin a sawi. Pu Lal Thanhawla chuan, Thenzawla Ayush Hospital chu mi harsa zawkte tan a hlut avangin Ayush hmanga inenkawlna chak zawka siam turin Ayush Department chu Directorate pui tlinga hlan kai thuai tum a nih thu a sawi bawk. Hospital and Medical Education Directorate thar hawnna inkhawm hi Health Secretary, Pu Lalrinliana Fanai-in a kaihruai a, Finance Minister, Pu Lalsawta leh Health Minister, Pu Lal Thanzara pawhin thu an sawi a, sorkar laipuia Health & Family Welfare Ministry a\angin Medical College din nan cheng vbch. 189 hmuh a nih tawh thu leh, Medical College dinna atan Falkawn Referral Hospital thlan a nih thu, Health Minister chuan a sawi a ni. Hospital and Medical Education Directorate Pisa thar hi kum 2013, October ni 9 khan sak \an niin, kumin March ni 28 khan sak zawh a ni a. Mizo chhiara chhawng 5-a sak, a building pumpui len zawng chu sq. metre 3105.26 a ni. Hospital and Medical Education Directorate Pisa hawn a nih hma hian Building piah ram awla Health Services Directorate Building thar sakna tur lung chu CM, Pu Lal Thanhawla hian a phum bawk.
