Hortoki VC leh YMA-in Tlawng lui kam, Hortoki khaw ram chhunga a ruka awm, Chakma chhungkaw 6 chu February thla chhunga an khaw ram chhuahsan turin an hrilh. ZONET zawhna chhangin Hortoki YMA hruaitute chuan helai hmuna Chakma chhungkaw awmte hi zan riaka Lawngleng pahniha kalin nimin leh vawiin khan a hmunah an enfiah a, an vaiin mi 25 an ni a, mi thenkhat chu an chenna ina an lo awm loh avangin an hmu thei lova, heti chung hian an ina lehkha hnutchhiahin February thla chhunga Hortoki ram chhuahsan turin an hrilh a ni. Enfiahtute hi an VC President, Pu Lalhruaitluanga’n a hova, amah \awiawmtute hi VC member 2 leh YMA Branch 3 a\angin mi 2 \heuh an ni. Helai hmuna Chakma chhungkaw awmte hi Bairabi thlang lam, Assam a\anga lo kal niin an insawi a, Mizo \awng an thiam lova, Inner Line Permit an nei lo bawk a, an zinga \henkhat chuan mi huan enkawl hna an thawk niin an insawi a ni. Hortoki VC te chuan heng mite hi an remtihna lovin an khaw ramah an awm a, ramhnuaiah in sa-in lote an nei a, hemi avang hian an khaw ram chhuahsan turin an ti niin an sawi. Heng mite awmna hmun hi December thla khan Hortoki Joint YMA hruaitute pawhin an lo tlawh tawh a ni.
