Hnathawktute nen an inkawmnaah Prof. F. Lalnunmawia chuan, Mizoram sorkar-in ei leh bar thar chhuah ti pung turin nasa taka hmalak a tum tih a sawi a, Chief Minister, Pu Zoramthanga’n Horticulture hmalakna a ngai pawimawh hle a, thei leh thlai thar chhuah tihpun bakah mau chin leh sawngbawlna lamah nasa taka hmalak tum niin, hemi a\ang hian Mizoram sum leh pai dinhmun chawisan an tum dawn a, chu hmalakna avang chuan \halaite tan hnathawh tur tam zawk siam theih an beisei tih a sawi. Aizawl South III bialtu MLA nibawk, Prof. F. Lalnunmawia chuan, sorkar laipuiin thei leh thlai thar sawngbawl lamah nasa zawka hmala tura a duh angin SEDP hnuaiah \anlak tum a nih thu a sawi a. Hmun hrang hrangah thlai dah\hatna siam tum a ni a, pangpar chin lamah pawh a tui mite tan eizawnna siam sak turin hmalak an tum dawn tih a sawi.
Mizoram chhunga thei leh thlai tharchhuahte chu State pawna hralh chhuak tura hma lak tum a nih thu pawh sawiin, heng kawng hrang hranga Sorkar hmalaknate chhawr ngei turin mipuite chu lo inbuatrsaih turin a chah a ni. Horticulture Development Committee Vice-Chairman, Prof. F. Lalnunmawia’n nimin Lunglei District Horticulture Office a tlawhnaah hian Lunglei DHO, Pu Lalhmingmawia Pachuau leh a thawhpui ten an lo dawng sawng a ni.
