SEDP Model Bamboo Plantation atana hmalatu tur te hi Lengpui a\angin chhungkaw 115 leh Hmunpui khua a\angin chhungkaw 100 an ni a, lo vahna tur cheng sing 1 leh mangkhawhna tur cheng 2,500 \heuh, a vaiin cheng 12,500 pek an ni a, sum sem chhuah zawng zawng hi avaiin Rs 26,87,500 a ni. Tangkafai \anpuina hi Chief Minister Pu Zoramthanga’n a hlan a ni.
Hemi puala inkhawm Lengpui Community Hall-a buatsaih-ah Chief Minister Pu Zoramthanga chuan, MNF flagship Programme chu Rua a ni tih a sawi a, ramchhung state ah Mizoram chu state anga buaipui hmasa ber a nih thu a sawi a, zir chawp tlang an nih avangin state dang entawn tur an awm lo a, dap chawpin hma an la tih a sawi. Raw chiin tur hi Brandisii a ni tih Pu Rama hian a sawi a, an hmalakna turah sorkar laipui chu sum petu tur a ni tih a sawi.
Pu Rama hian, SEDP chu NLUP anga sem chin chiah ngaihtuah a, a hnathawh lam buaipui tawh lo anga kalpui tur a ni lo a ti a, SEDP sum chu chawfun nena tehkhinin, hnathawh chin chiah zela kalpui tur a ni a ti a, an kal dan turah sorkar a fimkhur hle a ni a ti.
Pu Rama chuan, rua chu tui khawl khawm tu, ram kang venna atana \ha, boruak tithianghlimtu \ha ber leh sum lakluhna atana \ha a ni a ti a, Model Bamboo Plantation siamtu tura an thlan te chu sorkar lo an vat dawn lova an mahni ta an vat dawn a ni tih hre tura chahin, \hahnem an ngaih danah an hlawhtlinna chu a innghat dawn a ni a ti.
|anpuina semna inkhawm hi Addl. Chief Secretary Pu JC Ramthanga’n a kaihruai a, Bialtu MLA Pu H Lalzirliana, Bamboo Development Board Vice Chairman Dr. K Pachhunga leh Horti Director Pi Elizabeth Saipari te pawhin thu an sawi a ni.
