Hemi puala inkhawm Horticulture Directorate Conference Hall-a neih hi an Department Secretary, Pu Sangdingliana’n a kaihruai a, a hmanpuitu Horticulture Department enkawltu Chief Minister, Pu Zoramthanga chuan, chawimawina dawng thei tura Department thawktu te, lo neitute thawhrimna leh Sorkar hmasa hotute \anlakna chu fak tlak a ni, a ti.
Pu Zoramthanga hian tuna thuneihna an chan leh hnua Horticulture Department a enkawl chhan chu Rua hmanga Mizoram intodelh tura \an an laknaah a Department khaipa ber tur an nih vang a ni tih a sawi a, Rua an buaipui dawn avangin Horticulture Department chuan hna thawh tur tam tak a nei dawn a, inthlahdah hman lo khawpa \an an lak a \ul dawn tih a sawi.
Horticulture Department-in hnathawk \ha lawm man, Best Horticulture State Award, 2019 a dawn hi Agriculture Today-in a pek a ni a, tun thla ni 11 khan New Delhi-ah he chawimawina hi an dawng a. He chawimawina an dawn theih chhan chu India hmun danga la awm ngai lo, Dragonfruit thar tura hmalakna lian tham taka kalpui a nih vang te, Sorkar laipuiin thil thar chhuah tipung tura hmalakna, Doubling Farmers’ Income by 2022 a kalpui mek tihhlawhtlin kawngah a chin hun lova thlai thar, Off-Season Vegetable Cultivation hmanga zikhlum leh Tomato thar a nih vang tea dawng an ni. Chawimawina lawmna inkhawmah hian Horticulture Development Board, Vice Chairman, Prof. F. Lalnunmawia, Bamboo Development Board, Vice Chairman, Dr. K. Pachhunga leh Horticulture Director, Dr. Elizabeth Saipari pawhin thu an sawi a ni.
