Chief Executive Carrie Lam chuan British awp hunlaia emegency puan theihna dan hmangin hmai tuamna hman hi a khap a, sorkar laka buaina siam tawh lo turin mipuite a ngen a ni. Tun thla ni 1, Thawhleni khan Police officer pakhat thah a nih vangin hmai tuamna hman khapna thupek chhuah a ni a, thupek chhuah a nih rualin buaina nasa tak a chhuak zui a, hnathawka chhuakte pawh an hnathawhna hmun kalsanin lungawi lohna lantirtute chu an zawm ve nghal a ni. Mi \henkhatin kawngpui an dan bakah China flag te an hal a, rel leh bus station te, sumdawnna hmun te an suasam a, mipuite hnawhdarh nan police ten mittui tlakna hlo an hmang a ni.
Rel station leh hnathawktute beia suasam an nih vangin Mass Transit Railway chuan rel zawng zawng chu Inrinni thleng chawl rih turin hriattirna a chhuah a ni. Buaina karah Hong Kong mipuite chu mahni in \heuha haw tura ngen an ni.
