Kar kalta khan Carrie Lam hi sumdawnna lama hotute nen an \hukhawm a, chuta a thusawi chu record a ni a, duhthlanna a neih chuan Hong Kong hruaitu a\anga ban chu a tihhmasak ber tur a nih thu a sawi a, Thawh\anni khan a thusawi hi a putru a ni.
Carrie lam hian a thusawi putru chu a pha lem lova, amaherawhchu, ban tumna a la nei chhin lo niin a sawi thung a, Hong Kong khawpui buaina chingfel turin thuneihna a nei tlem tih sawiin, Beijing in Hong Kong a enkawl a la ngai rih niin a sawi bawk.
Lam chuan chief executive-in ram rorelna inkaihhruaina angin hruaitu pahnih rawng a bawl a ngai a, chungte chu China sorkar laipui mipui leh Hong Kong mipuite an ni a ti.
Press Conference-a a thusawi putru chungchang zawhna a chhannaah Lam chuan private meeting-ah hial a thusawi record-a chanchinbu mite an pe chu pawm theih leh ngaihdam theih a ni lo tih a sawi a, a kaihhruai sorkara a thawhpuite nen pawh a ban tur thu an la sawi chhin lo tih a sawi bawk a ni.
