Hong Kong Chief Executive Carrie Lam chuan vawiin khan China-a mi tangte thawn theihna, extradition bill put luh an tum chu \hulh rih a ni tih a puang ta.

Puan tawh angin extradition bill vang hian tunhnaiah Hong Kong hi a buai nasa hle a, nilaini khan mipui \hahnem tak pungkhawm chuan thuneitute pisa kai tur an dang a, pungkhawm hnawhdarh tum police te nen tharumin an inbei zui a, sawi a hlawh hle a ni. Hong Kong hi kum 1997 thleng kha Britain-in a awp a, China kuta a hlan khan ro hran inrel tura tih a ni a, hei vang hian Hong Kong hian ram danga mi tangte thawn theihna dan mumal a nei lo a, February thla khan Hong Kong sorkar chuan an khua leh tui mi pakhat, tualthah thubuai nei lai, Taiwan-a awm mek chu hruai kir dan a ngaihtuah \an a ni. Extradition Bill hi Taiwan, Macau leh China ramte nena mi tang in thawn theihna atana ruahman a ni a, hei hi mi tam zawk chuan China communist sorkar-in a hmelmate beihna atan a hman an hlauh thu leh, mi tam takin an zalenna an chân mai an hlauh thu an au pui a ni. Carrie Lam chuan bill hi put luh loha ngaihtuah \hat leh a nih tur thu te, an ram mipuite an biak rawn leh phawt tur thu te leh, hun tiam an neih loh thu a sawi a ni.