Nikum August thlaa sorkar duhloh lantirnaah khan Jimmy Lai hi a tel a, hei vang hian dan phal loha punkhawma tel thubuai siam sak a ni a, kum 2017-a chanchinbumite nena intualvuaknaa a thlen \um khan chanchinbumite sawi \haihtuah puh a ni a, thubuai siam sak a ni bawk.
Jimmy Lai hian Apple Daily chanchinbu a tichhuak \hin a, a chanchinbuah chuan Hong Kong leh China ram hruaitute sawiselna a chhuah uar \hin hle a ni.
Jimmy Lai rual hian pro-democracy mi langsar tak pahnih, Lee Cheuk-yan leh Yeung Sum te pawh man a ni a, an pathum hian Eastern Magistrate Court-ah May ni 5 khian an inlan dawn a ni.
Hong Kong-ah hian sorkar duh loh lantirna punkhawm te, kawng zawh te a khat tawkin huaihawt a ni \hin a, coronavirus vangin an \hulh rih a ni.
