Heng mi te hi kum 2014-a Umbrella movement tia sawi hmanga Hong Kong in amah ngeiin a chunga roreltu tur a thlang chhuak tur a ni tih lungawi lohna lantirtute zinga mi an ni a, mipui khawsak phung pangngai ti khaihlaka puhin thubuai siamsak an ni. An zinga pathum chuan tharum thawh lova sorkar laka lungawi lohna lantirna bul \antu an ni a, a hnuah zirlai pawlten an hmalakna chu an thlawp zui a ni. Lungawi lohna lantir nasat ber hunlai chuan mi sang tel thawk chhuakin thla khat chhung lai chu Hong Kong khawpuia mihring leh lirthei chevel an dang bet a ni. Dan bawhchhiaa puhnaah hian thiam loh chantir an nih chuan kum 7 thleng lung in tantir theih an ni ang.
Heng mite thubuai siamsak an ni hi Amnesty International chuan mipuiten an duh zawng an sawi chhuah theihna leh an dikna chanvo dangte rahbeh sakna a ni a ti. Beijing chuan kum 2017 hnuah chuan Hong Kong in inthlanna a neih a remtih tur thu sawi mahse, thlan chhuah theih turte chu Beijing pawmpui an ni tur a ni a ti thung a, hei hi duh lovin mipuite hian lungawi lohna an lantir ta a ni.
