Press Statement a siamah Home Minister hian Supreme Court in COVID-19 hrileng a darh palh hlauh thawn thuah jail te ti thawl turin ruahmanna a siam a, state tinah High Power Committee a din a ni a ti a. Mizoram-ah chuan High Power Committee hi High Court Judge ho-a din a ni a, an rawtna angin chhuah theih awm chi Jail tang mek mi 337 chhuah an ni a ti a. heng mite hi vawi khat thil tihsual vanga tang mi 289 leh an tan hun pawhtawi sak remission hmu mi 48 an ni a ti.
Home Minister hian Mizoramah khawi jail-ah mah Covid-19 kai hmuh an la awm lo tih a sawi a, tang chhuah turte hi District Magistrate in jail atangin an in thlengin an hruai ang a, chutah chuan ni 14 chhung home quarantine-in an awm vek dawn tih a sawi. Home Minster sawi danin thiam loh chantir tawh, an tan hun chhung tur pawh tawi sakte hi Central Jail, Aizawl atangin mi 20, District Jail, Aizawl atangin mi 4, District Jail, Lunglei atangin mi 5, District Jail, Siaha atangin mi 7, District Jail, Kolasib atangin mi 4, District Jail, Champhai atangin mi 2, District Jail, Lawngtlai atangin mi 1 leh District Jail, Mamit atangin mi 5 an ni.
Vawikhat thil tihsual vanga man, bail a chhuah phalna pek te hi Aizawl District Court-ah mi 150, Champhai District Court-ah 25, Kolasib District Court-ah 46, Serchhip District Court-ah 26, Mamit District Court-ah 21, Lunglei District Court-ah 15, Siaha District Court-ah 1 leh Lawngtlai District Court-ah mi 5 an ni.
Heng te bakah hian Jail tang zinga kum upa leh damlo bail a chhuah tur Central Jail, Aizawl atangin 6, District Jail, Aizawl atangin 6, District Jail, Lunglei atangin 3, District Jail, Kolasib atangin 4 leh District Jail, Champhai atangin mi 6 an awm bawk a ni.
Lunglei jail chu la ala tawt deuh avangin, lung in tang pali te chu Lawngtlai jail a sawn tur an ni tih Home Minsiter Pu Lalchamliana hian a sawi bawk.
