Home Minister hian Assembly rorel inkhawmah West Lungdar-a thil thleng hi a sawi chhuak a, Misael lalremruatpuia kum 13 mi, Vanlalmawia Chhangte fapa W Lungdar Mamit Dist. chu kidnap tum anih thu Thawh\anni khan social mediaah a thang nasa hle tih a sawi a, naupangin amah rukbo tumtute nia a sawi, Bolero vara chuangte chu West Lungdar leh a chhehvel ten an zawng a, he thil hi hriat a nih veleh a chhui chiang turin Thawhlehni khan Kulikawn Police Station Officer in Charge hovin staff pathum an kal a. We phaileng a\angin SDPO leh OC te bakah Dy SP CID SB ten W Lungdar an pan a ni a ti.
Thawhlehni-ah zing dar 9-ah South Sabual khaw mipuiten vai rinhlelh an man thu hriat a nih veleh Kulikawn Police Station OC leh a hoten South Sabual an pan a, thu zawhfiah tura Kulikawn panpui tumin hma an la nghal tih Home Minister hian a sawi a, rinhlelh man te hi Uttar Pradesh Meerut mi pahnih Rahul choudhuri kum 27 mi leh Raju Mansuri kum 38 mi bakah Silchar mi Situ Hussein Majumdar kum 21 te an ni tih a sawi.
Home Minister sawidanin heng hnamdang pathumte hi Kulikawn Police Station-a hruai tura hmalak nimahse mipui pungkhawmten West Lungdar-a hruai phawt an tum avang leh mipuiin police te an tam hneh avangin Police chah te an thlen hmain West Lungdar panpui luih an ni ta a, naupang hian amah rukbo tumtute nia a sawi avangin rinhlelh pathumte hi mipuiten kut an thlak a, police ten chhan an tum pawhin an dang zo lo a, kut an tawrh nual hnuah harsa takin Aizawl panpui an ni a. An chuanna Bolero dum, registration no AS-11 D 7533 leh bungrua an phurh TV 8 te chu vaw chhiain an hal vek a ni.
Heng hnamdang hliam tuarte hi Civil Hospital Aizawl ah an hriselna dinhmun endik a ni a, damdawiin a awm ngai an nih loh avangin Aizawl Police Station ah dah an ni tih Home Minister hian a sawi a, inrukbo tumna kaihhnawihah hian Kulikawn Police Station ah thubuai ziah luh a nih thu leh Motor hal leh kut inthlak chungchangah West phaileng Police Station ah thubuai ziah luh a nih thu a sawi.
Home Minster sawi danin Naupang rukbo tum hun nia sawi hi Thawh\anni tlai dar 3 vel a ni a, hnamdang pathumte hian hemi ni vek hian Vairengte check gate chu chawhma dar 11:27 ah thlengin ILP an la chhuak a, Aizawl lam panin tlai dar 4:45 ah Leela Hotel Thuampuiah an lut a, a tuk ni 25 zing dar 7 velah hotel an chhuahsan a, World Bank Road ah kalin Darlung leh Sabual lamah an lut thla a, Darlung leh Sabualah mi in ah lut kualin an TV ken an zuar kual a, Sabuala an awm laiin man an ni ta a ni.
Misual nia hriatte zawng tura YMA leh khawtlang mipuiten tha an thawh chu lawmawm a tih thu Home Minister hian a sawi a, hetihrual hian West Lungdara thil thleng chu vanduaithlak a tih thu sawiin, Dan leh thupek te hi mimal emaw, mipui pungkhawmin emaw, tharum thawhna hmanga an lekkawh tur a ni lo tih hriat nawn a \ul a ni a ti a, India ram hmun hrang hrangah kan tu leh fa te an awm ve a ni tih thinrim nikhuaah pawh hriat fo a \ul a ni a ti.
